Skammist ykkar!

Alltaf þegar við Íslendingar eigum möguleika á að senda frumlegt og ögrandi framlag í Evróvisjón þá klúðrum við því. Það verður hreinlega að setja einhver bönd á þessa SMS kostningu með einhverjum hætti. Það var greinilegt í gærkvöldi hvaða leið dómnefnd fagaðila hefði farið. Það er mín skoðun að ef svona dómnefnd hefði eitthvað mótvægi við SMS kosningu þá gæti það bjargað okkur frá því að aldurshópurinn 12-17 ára sendi vandræðalegt evró-rusl ár hvert í þessa frábæru keppni.

Kveðja,

Himmi Gunn

(höfundur er tónlistarmaður)

Eurobandið fer til Serbíu

Athugasemdir

[Animal 24.2.2008 kl. 12:18]

Nákvæmlega ..................djö.. skandall

[Margrét Össurardóttir 24.2.2008 kl. 12:32]

Finnst þér s.s. Mersedes þetta frumlega og ögrandi framlag? Fannst þér Silvía svona góð á sínum tíma?

[Andrés 24.2.2008 kl. 12:36]

Ég er svo sammála þér nema með það að þetta sé frábær keppni. Þessi keppni er yfirleitt samansafn af algjöri rusltónlist, sem kemst í mánuð í útvarp og er síðan gleymd og grafin......, ég man ekki eftir að hafa séð virkilega gott lag í eurovision.?.?.

[Sif 24.2.2008 kl. 12:52]

nei Magga sennilega fannst honum Dr Spock "frumlegt og flott" Það hafa alltaf verið margar tegundir af lögum sem er bara gott fyrir tónlistarflóruna í heild sinni. Ég er handviss um að Friðrik og Regína fari langt!!!!

[siggi 24.2.2008 kl. 13:33]

Nöturleg sjálfsgagnrýni Friðriks er lofsverð, þegar hann lýsti eigin framlagi "sem að hæst Ómar í tómri tunnu". Fagmannlegur flutningur á steindauðu efni - með þann nöturlega titil (þegar maður skoðar innihaldið): This is my life! - Tómt og steingelt! Lögin í 2. og 3. sæti höfðu þó lífsneista.

[Ólöf Ragnars 24.2.2008 kl. 19:16]

Nákvæmlega!! Þetta er svo leeeiiðinlegt lag sem á gjörsamlega eftir að falla inn í öll hin lögin í þessari keppni. Dr.Spock voru klárlega laangflottastir

[Óskin 25.2.2008 kl. 08:52]

hvaða hvaða krakkar mínir mér fannst Friðrik´Ómar og Regína laaaaaang flottust og með besta lagið sem ætti einhvern möguleika á að komast eitthvað áfram í keppninni.  Silvía fór fram úr öllum velsæmismörkum í fyrra með ferlegan dónaskap og stæla sem líðast ekki í öðrum löndum.  Þá skammaðist ég mín til dæmis fyrir að vera íslendingur.  Gúmmihanskarnir var bara fyndið ekki gott lag í svona keppni og hey hey hóra hóra var langt frá því að teljast gott lag.  Svo er annað ef ykkur finnst Eurovision svona svakalega leiðinleg keppni why bother watching it?????

Annars voru svo sem finnarnir í fyrra sigurvegarar með gott show og skrautlegir mjög. Æ maður veit ekkert hvað virkar í þessari keppni eða ekki.  'ottaleg skítalykt af kosningunni úti alltaf hreint og Austur Evrópa stendur fast með sínum grönnum sama hvaða lag hver þjóð sendir.