Er þetta málið? - Köben 2 (The Second Coming)

25.11.2007 | 22:29

Er þetta málið? - Köben 2 (The Second Coming)

Nú væri gaman að sjá menn tjá sig um þessa frétt: W00t

"Laugardaginn 1. mars 2008 munu Icelandair í Kaupmannahöfn og Boldklubben Isborg standa fyrir Icelandair Open hraðmótinu í innanhúss knattspyrnu í Kaupmannahöfn, í fjórða sinn.

Tilgangur Icelandair Open er að fá íslenska fótboltaáhugamenn í Skandinavíu og á Íslandi til að hittast, spila fótbolta og hafa gaman af. Dagskrá mótsins er á þá leið að á föstudagskvöldi, 29. febrúar, hittast leikmenn, ræða málin, draga í riðla og fá sér hressingu í formi flatböku og bjórs. Á laugardeginum 1. mars hefjast svo leikirnir en verða þeir spilaðir í hinum glæsilegu Gladsaxe fótboltahöllum sem eru í ca. 15 mín fjarlægð frá miðbæ Kaupmannahafnar.

Leikið verður með böttum og eru fimm leikmenn frá hvoru liði eru inná hverju sinni. Hvert lið er skipað allt að 10 íslenskum þátttakendum. Enn hefur lengd leikja ekki verið ákveðin en hún verður ákveðin þegar fjöldi liða á mótinu liggur fyrir. Um kvöldið er svo lokahóf mótsins og verðlaunaafhending.

Glæsileg verðlaun eru veitt fyrir fyrsta og annað sætið í boði Icelandair og KSÍ Þátttökugjald fyrir föstudagsskemmtun og fótbolta er aðeins 14.000 ISK á lið.

Icelandair er með pakkaferð fyrir þá sem koma frá Íslandi með flugi og hóteli, einnig býður Ísborg uppá gistingu á gistiheimili í Gladsaxe á góðu verði.

Skráningu og nánari upplýsingar um mótið og allt í kringum það er hægt að fá með að senda tölvupóst á icelandairopen@gmail.com skráning og greiðslu á þátttökugjaldi skal vera lokið fyrir 1. febrúar 2008.

Kærar kveðjur, Boldklubben Isborg og Icelandair.dk"*

*Skáletraður texti er tekinn af vefsíðunni http://www.isborg.dk/

Flokkur: Bloggar | Breytt s.d. kl. 22:33 | Facebook